Sıan-Almaty dostyq velojarysy Uly Qytaı qorǵanynyń batys bóligine jetti
TsZıAıÝIGÝAN. QazAqparat – Sıan-Almaty dostyq velojarysy komandasy Uly Qytaı qorǵanynyń batys bóligi – Tszıaıýıgýandy baǵyndyrdy. Bul týraly QazAqparat «Jańa jibek joly» Qoǵamdyq qoryna silteme jasap habarlaıdy.
«Joldyń 20-kúni bastaldy. Velojarys qatysýshylary jaqyn kúnderi Shyńjan-Uıǵyr avtonomdy oblysynyń shekarasyn kesip ótpekshi. Sportshylar Qazaqstan shekarasyna 2 qyrkúıek kúni keshke jetýdi josparlap otyr, al 3-eýi velojarys qatysýshylaryn saltanatty túrde kútip alyp, shyǵaryp salady», - delingen QQ habarlamasynda.
Uly Jibek jolynyń boıymen joldyń barlyq bóliginde sportshylar tarıhı oryndar men eskertkishter, hram men meshitter, qala men aýyldardyń arasynan ótti. Velosıpedshiler Uly Qytaı qorǵanynyń eń batystaǵy bóligine de jetip, kúzet munarasy men qorǵannyń bekinisterinde estelik sýretke tústi.
Alda olardy ystyq jel soǵatyn shól dalalar, bıik, tik jarlary bar Shyńjan taýlary kútip tur.
