Sıan-Almaty dostyq velosherýi Qazaqstan shekarasyn kesip ótti
QORǴAS. QazAqparat – 3 qyrkúıek kúni Sıan-Almaty dostyq velosherýi Qazaqstan Respýblıkasynyń memlekettik shekarasyn kesip ótti. Buǵan deıin Qytaıdyń Qorǵas shekara beketinde qala ákimdigi men Halyqaralyq saýda palatasynyń uıymdastyrýymen veloshabandozdarmen saltanatty qoshtasý rásimi ótti, dep habarlaıdy QazAqparat.
Qazaqstannyń shekara jáne keden qyzmetteri dostyq pen beıbitshilik elshisi – qytaılyq sportshylardy qushaq jaıa qarsy alyp, olardyń júrip ótýine jasyl dáliz uıymdastyrdy. Qytaı sportshylarymen kezdesken jýrnalıster, jurtshylyq jáne velosherýdi uıymdastyrýshylar olarǵa gúl shoqtaryn syılap, suhbat aldy. Velosherýge osy jerden 10 adamnan turatyn qazaqstandyq áýesqoı veloshabandozdar qosyldy, olardyń eń úlkeni 77 jasta.
