Sıam egizi Zıtany Máskeý aýrýhanasynan shyǵardy
ASTANA. QazAqparat - Máskeý aýrýhanasynan 28 tamyzda qyrǵyzstandyq belgili eki egizderdiń biri Zıta Rezahanovany shyǵardy, dep habarlady lifenews.ru.
Anasynyń sózine qaraǵanda, 23 jastaǵy qyz sońǵy aptada ózin jaqsy sezingen. Aq halattylar Zıtanyń jaǵdaıyn retke keltirip, úıine jibergen.
12 tamyzda 23 jastaǵy Zıta Rezahanova aýyr halde Máskeý aýrýhanalarynyń biriniń reanımatsııa bólimine jetkizilgen bolatyn.
Eske sala keteıik, sıam egizderi Zıta men Gıta Rezahanovalar 1991 jyly 19 qazanda Shý oblysy Sokýlýk aýdany Batys aýylynda dúnıege kelgen. Eki qyzdyń ortaq úsh aıaǵy, ortaq jambasy bolǵan. 2003 jyly 26 naýryzda Máskeýde Fılatov atyndaǵy balalar klınıkalyq aýrýhanasynda 30 adamnan turatyn bir top reseılik hırýrg Aleksandr Razýmovskııdiń basshylyǵymen egizderdi bólý boıynsha sátti ota jasady. Zıta men Gıta sátti bólingen álemdegi tuńǵysh ári jalǵyz sıam egizderi.
