Sıam egizderi otadan bas tartyp, ómir boıy birge júrýge bel baılady
ASTANA. QazAqparat - Úndistanda Shıvanatha pen Shıvrama Sahý esimdi sıam egizderine ota jasaý usynyldy. Alaıda 12 jastaǵy uldar otadan bas tartyp, ómir boıy birge júretinderin aıtyp otyr, dep jazady Huffington Post.
Egizderdiń eki aıaǵy men tórt qoly bar. Olardyń keıbir aǵzalary ortaq, al keıbiri jeke dara jumys istep tur. Balalardyń qozǵalysy shektelgenimen, olar kúndelikti ómirge beıimdelgen. Atap aıtqanda, egizder birge jýynyp, bir-biriniń shashyn tarap bere alady. Tek júristeri órmekshiniń qozǵalysyna kóp keledi, dep jazady basylym.
Sıam egizderiniń ákesi, 45 jastaǵy Radj Kýmar kúndelikti ómirde balalar kóptegen qıyndyqtarǵa tap keletinin aıtyp otyr. Máselen, jańbyr jaýǵanda olarǵa júrý qıynǵa soǵady.
«Qudaı olardy osylaı etip jaratty. Sondyqtan, olar qazirgideı keıipte ómir súrýleri tıis», - degen ákesi balalaryna ota jasatqysy kelmeıtinin aıtty.
Aıta keterligi, sıam egizderin ajyratý óte kúrdeli jumys. Kóp jaǵdaıda ota sátti aıaqtalyp, balalar bir-birinen bólek ómir súre alady. Mysaly, osydan birneshe jyl buryn Qyrǵyzstanda Zıta jáne Gıta esimdi egizderge jasalǵan ota sátti aıaqtaldy. 11 jastaǵy qyzdardyń táni ortaq bolyp, ózdiginen júre almaı, ınternatta ómir súrgen bolatyn.
