Sı Tszınpınniń AQSh-qa qashan baratyny belgili boldy
ASTANA. KAZINFORM – Qytaı Halyq Respýblıkasynyń Tóraǵasy Sı Tszınpın 24 qyrkúıekte Amerıka Qurama Shtattaryna barady, dep habarlaıdy TASS agenttigi.
Bul týraly AQSh prezıdenti Donald Tramp Vashıngtondaǵy is-sharalardyń birinde sóılegen sózinde málimdedi. Onyń aıtýynsha, Qytaı basshysynyń sapary 24 qyrkúıekte bastalady.
Aldaǵy sapar eki el kóshbasshylarynyń mamyr aıynda Qytaıda ótken kezdesýine jaýap retinde uıymdastyrylyp otyr. Eske salsaq, Donald Tramp 14–15 mamyr kúnderi Beıjińge baryp, QHR Tóraǵasymen kelissóz júrgizgen.
Maýsym aıynyń basynda AQSh memlekettik hatshysy Marko Rýbıo mamyrdaǵy sapar aıtarlyqtaı praktıkalyq nátıjelerge jetkizbegenin aıtty. Sonymen qatar ol kelissózderdiń basty maqsaty álemdegi eń iri eki derjavanyń basshylarynyń tikeleı pikir almasýy bolǵanyn atap ótti.
Kútilip otyrǵan qyrkúıektegi kezdesý AQSh pen Qytaı arasyndaǵy ekijaqty qarym-qatynastar men halyqaralyq kún tártibindegi máseleler boıynsha dıalogtyń jalǵasy bolmaq.
Aıta keteıik, bıyl Sı Tszınpın 7 jyldan keıin alǵash ret memlekettik saparymen KHDR-ǵa barǵanyn jazdyq.
