Sı Tszınpındi Aqordada qarsy alý rásimin Jibek Joly men Silk Way tikeleı efırde kórsetedi
ASTANA. KAZINFORM – Qazaqstan Respýblıkasyna memlekettik saparmen kelgen Qytaı Halyq Respýblıkasynyń Tóraǵasy Sı Tszınpındi Aqordada saltanatty qarsy alý rásimin qazaqstandyq eki telearna tikeleı efırde kórsetedi.
JIbek Joly jáne Silk Way telearnalarynda tikeleı efır saǵat 10.00-de bastalady. Sondaı-aq translıatsııany Kazinform saıtynan da kórýge bolady.
Buǵan deıin habarlanǵanyndaı, Prezıdent Qasym-Jomart Toqaevtyń shaqyrýymen Qytaı Halyq Respýblıkasynyń Tóraǵasy Sı Tszınpın Qazaqstanǵa memlekettik saparmen keldi. Memleket basshysy mártebeli meımandy elorda áýejaıynda qarsy aldy.
Áýejaıdaǵy qarsy alý saltanatynda birneshe qazaq balasy qytaı tilinde án shyrqap, jyly lebizin jetkizdi. QHR tóraǵasy balalarǵa rızashylyǵyn bildirip, bolashaqta Qytaıdyń joǵary oqý oryndarynda bilim alýǵa shaqyrdy.
Sondaı-aq Sı Tszınpın Shanhaı yntymaqtastyq uıymyna múshe memleketter basshylary keńesiniń 24-shi otyrysyna qatysady.
Bir-birine basty saýda-ekonomıkalyq serikteske aınalǵan qos memlekettiń basshylarynyń kezdesýinde qandaı mán bar? Kazinform tilshisiniń saraptamasyn oqı otyryńyz.
