Sı Tszınpın jemqorlyqpen kúresti kúsheıtýge shaqyrdy

Qytaı Kommýnıstik partııasy Ortalyq komıtetiniń (QKPOK) bas hatshysy Sı Tszınpın sozylyp ketken jemqorlyqpen kúreste jeńiske jetýge shaqyrdy. Qytaı kóshbasshysy Beıjińde ashylǵan QKP Ortalyq komıssııasynyń tártipti tekserý boıynsha plenarlyq otyrysynda osyndaı málimdeme jasady, delingen Xinhua málimdemesinde, dep habarlaıdy Kazinform tilshisi.

— Keıingi 10 jylda qolǵa alynǵan jemqorlyqtyń aldyn alý is-sharalarynyń arqasynda jemqorlyqqa qarsy kúreste jeńiske jetip, barlyq saladaǵy konsolıdatsııaǵa qol jetkizdik. Soǵan qaramastan jaǵdaı kúrdeli ári qıyn bolyp qala bermek. Biz jemqorlyqqa qarsy kúrestegi jańa jaǵdaı men jańa úrdisti anyq túsinip, jemqorlyq paıda bolatyn orta men jaǵdaıdy bilip otyrýymyz kerek, - dep jazdy Sı Tszınpın sózin Xinhua.

Sondaı-aq Sı Tszınpın qarjy, memlekettik kásiporyndar, energetıka, medıtsına men ınfraqurylym jobalary salalarynda jemqorlyqty joıý boıynsha kúsh biriktirýge shaqyrdy.

2023 jylǵy qańtardan qyrkúıekke deıin Qytaıdyń tártiptik jáne baqylaý vedomstvolary 470 myń is qozǵady, olarǵa QKP OK Uıymdastyrý bóliminde tirkelgen 54 laýazymdy tulǵanyń qatysy bar bolyp shyqty.

Ótken jyldyń eki aıynda 405 myń adam jazasyn ótedi, onyń 34-i – óńirlik nemese mınıstrlik deńgeıindegi laýazymdy tulǵa.