Sı Tszınpın Vetnam, Malaızııa jáne Kambodjaǵa memlekettik saparmen barady
ASTANA. KAZINFORM – Qytaı Halyq Respýblıkasynyń Tóraǵasy Sı Tszınpın Ońtústik-Shyǵys Azııanyń úsh eline memlekettik saparmen barady. Bul týraly QHR Syrtqy ister mınıstrligi 11 sáýir kúni málimdedi.
Resmı aqparatqa sáıkes, Qytaı Kommýnıstik partııasy Ortalyq komıtetiniń Bas hatshysy, QHR Tóraǵasy Sı Tszınpın Vetnam Kommýnıstik partııasy Ortalyq komıtetiniń Bas hatshysy To Lamnyń jáne Vetnam Sotsıalıstik Respýblıkasynyń Tóraǵasy Chyong Tan Shangtyń shaqyrýymen 14-15 sáýir aralyǵynda Vetnamǵa memlekettik sapary bolady.
Sonymen qatar Malaızııa Joǵarǵy bıleýshisi Ibrahım Ismaıl jáne Kambodja Koroli Norodom Sıamonıniń shaqyrýymen, Sı Tszınpın 15-18 sáýir kúnderi Malaızııa men Kambodjaǵa da memlekettik saparmen barady.
Aıta keteıik, bul Qytaı basshysynyń 2025 jylǵy alǵashqy sheteldik sapary bolmaq. Sońǵy ret Sı Tszınpın 2023 jylǵy jeltoqsan aıynda Vetnamǵa memlekettik saparmen barǵan edi.
Sapar aıasynda Qytaı men atalǵan elder arasyndaǵy ekijaqty qatynastardy odan ári nyǵaıtý, aımaqtyq yntymaqtastyqty keńeıtý, sondaı-aq saýda-ekonomıkalyq jáne mádenı baılanystardy tereńdetý máseleleri qaralady dep josparlanǵan.
Aıta keteıik, Ázerbaıjan Qytaımen qorǵanys salasy boıynsha dıalogty bastady.