Sı Tszınpın Toqaevtyń reformalaryna joǵary baǵa berdi
ASTANA. KAZINFORM — Qytaı Halyq Respýblıkasynyń Tóraǵasy Sı Tszınpın Qazaqstan Prezıdenti Qasym-Jomart Toqaevtyń bastamasymen júzege asyp jatqan reformalardy joǵary baǵalady.
Aqordanyń habarlaýynsha, QHR Tóraǵasy Qazaqstan Prezıdentine iltıpat bildirip, ekijaqty kún tártibindegi ózekti máselelerdi talqylaýǵa oraıly múmkindik týyp otyrǵanyna nazar aýdardy.
— Birlesken kúsh-jigerdiń arqasynda Qytaı men Qazaqstannyń máńgi ári jan-jaqty strategııalyq seriktestigi joǵary deńgeıge jetti. Ózara yqpaldastyqty damytýdyń áleýeti óte zor. Qazaqstan Prezıdenti Qytaımen dostyq saıasat júrgizip otyr. Bul halyqtarymyzdyń múddesine saı keledi, — dedi Sı Tszınpın.
Sonymen qatar QHR Tóraǵasy Prezıdent Qasym-Jomart Toqaevtyń bastamasymen júzege asyrylyp jatqan aýqymdy ózgeristerge joǵary baǵa berip, jańa Konstıtýtsııanyń qabyldanýymen quttyqtady jáne aldaǵy Quryltaı saılaýyna sáttilik tiledi.
Eske salaıyq, buǵan deıin Prezıdent Qasym-Jomart Toqaev Qytaı Halyq Respýblıkasynyń Tóraǵasy Sı Tszınpınmen kelissóz júrgizgenin habarlaǵan edik.
