Sı Tszınpın Taıaý Shyǵysta qaýipsizdiktiń jańa arhıtektýrasyn usyndy
ASTANA. KAZINFORM - Qytaı kóshbasshysy Taıaý Shyǵysta qaýipsizdiktiń jańa júıesin qalyptastyrý bastamasyn kóterdi, dep habarlaıdy Kazinform agenttiginiń menshikti tilshisi.
Sársenbi kúni Kaırde Mysyr Prezıdenti Abdel Fattah ás-Sısımen kelissózder barysynda QHR tóraǵasy Sı Tszınpın óńirde qaýipsizdiktiń jańa arhıtektýrasyn qalyptastyrýǵa qatysty tórt tarmaqtan turatyn usynysyn tanystyrdy, dep habarlaıdy Sınhýa agenttigi.
Xi calls for deepening China-Egypt cooperation, raises Mideast proposal
— 中华人民共和国商务部MOFCOM (@MOFCOM_China) September 3, 2026
Chinese President Xi Jinping on Wednesday called on China and Egypt to support each other, deepen cooperation, and continue advancing the building of a China-Egypt community with a shared future amid a… pic.twitter.com/TOklGbegeS
Sı Tszınpın Taıaý Shyǵys elderi óz bolashaǵyn ózderi aıqyndaýy, beıbitshilik pen qaýipsizdik máseleleri boıynsha dıalogty nyǵaıtýy jáne syrtqy aralasýǵa qarsy turýy qajet ekenin aıtty.
— Taıaý Shyǵys halyqtary óz isteriniń qojaıyny bolyp qalýy kerek. Qytaı óńir elderin beıbitshilik pen qaýipsizdik máseleleri boıynsha dıalogty nyǵaıtýǵa, Taıaý Shyǵysta qaýipsizdiktiń jańa arhıtektýrasyn qurý múmkindikterin zerdeleýge jáne óz bolashaǵyn derbes aıqyndaýǵa qoldaıdy, — dedi QHR tóraǵasy.
Eske salaıyq, Sı Tszınpın seısenbi kúni Mysyrǵa memlekettik saparmen bardy. Bul onyń sońǵy tórt jyldaǵy Taıaý Shyǵysqa jasaǵan alǵashqy sapary boldy. Sapar Qytaı men Mysyr arasynda dıplomatııalyq qatynastar ornaǵanyna 70 jyl tolýyna oraı uıymdastyryldy.
الرئيس عبد الفتاح السيسي يستقبل الرئيس الصيني ويشهدان توقيع اتفاقيات بين البلدينhttps://t.co/pKbF3SEuhp#السيد_الرئيس_عبدالفتاح_السيسي#الجمهورية_الجديدة#موقع_الرئاسة
— رئاسة جمهورية مصر العربية (@EGPresidency_AR) September 2, 2026
Qytaı kóshbasshysy óńirlik qaýipsizdikke qatysty ózara baılanysty kóptegen shıelenis oshaqtaryn eskere otyryp, keshendi tásil qoldanýǵa shaqyrdy. Onyń aıtýynsha, Palestına máselesi Taıaý Shyǵystaǵy problemalardyń ózeginde tur jáne ony ekinshi orynǵa ysyrýǵa bolmaıdy.
Sı Tszınpın bastamasynyń taǵy bir baǵyty retinde ekonomıkany uzaq merzimdi turaqtylyqtyń negizi retinde damytýdy atady. Qytaı sondaı-aq Taıaý Shyǵys elderimen halyqaralyq teńiz joldarynyń qaýipsizdigin qamtamasyz etý baǵytynda yntymaqtastyq ornatýǵa daıyn ekenin bildirdi.
Sonymen qatar QHR tóraǵasy BUU Jarǵysy men halyqaralyq quqyq negizinde óńirlik qaýipsizdik máseleleri boıynsha halyqaralyq úılestirýdi kúsheıtýge jáne Taıaý Shyǵys elderine qatysty qosarly standarttardan bas tartýǵa shaqyrdy.
Abdel Fattah ás-Sısı bul bastamany qoldap, Mysyrdyń shıelenisti báseńdetý jáne óńirlik qaýipsizdik arhıtektýrasyn qalyptastyrý múmkindikterin zerdeleý úshin Qytaımen úılestirýdi jalǵastyrýǵa daıyn ekenin málimdedi.
Sapar barysynda taraptar qaýipsizdik jáne terrorızmge qarsy kúres salalaryndaǵy yntymaqtastyqty keńeıtý jóninde de ýaǵdalasty.
Sapar aıasynda Qytaı men Mysyr tsıfrlyq ekonomıka, ǵylym jáne tehnologııa, bilim berý, kólik jáne basqa da baǵyttardy qamtıtyn 20-dan astam qujatqa qol qoıdy.
Chinese President Xi Jinping left Cairo on Wednesday after paying a state visit to Egypt.#XiJinping #Xiplomacy #statevisit pic.twitter.com/QYkQ5GDU8D
— China Xinhua News (@XHNews) September 3, 2026
Qazaqstan men Qytaı dıplomatııalyq qatynastardyń ornaǵanyna 35 jyl tolýyn atap ótýge daıyndalyp jatyr.
