Sı Tszınpın Talıban elshisinen senim gramotasyn aldy
ASTANA. KAZINFORM — Qytaı tóraǵasy Sı Tszınpın seısenbi kúni Aýǵanstandaǵy Talıban rejıminiń Qytaıdaǵy elshisi Bılal Karımımen kezdesti.
QHR Syrtqy ister mınıstrliginiń habarlaýynsha, 30 qańtarda QHR tóraǵasy Sı Tszınpın Halyq májilis zalynda QHR-daǵy 42 elshiniń senim gramotalaryn aldy. Qytaıdaǵy osy 42 elshiniń arasynda Aýǵanstandaǵy Talıban rejıminiń elshisi Bılal Karımı de bar.
Bul Qytaıdyń Talıban rejımimen resmı túrde dıplomatııalyq qarym-qatynas ornatqanyn bildiredi. Nátıjesinde Qytaı Talıban rejımin moıyndaǵan alǵashqy iri halyqaralyq memleket boldy.
Sı Tszınpın senim gramotalaryn qabyldaý rásiminde sóz sóılep, Qytaı barlyq eldiń halqymen dostyqty joǵary baǵalaıdy jáne basqa eldermen teńdik jáne ózara tıimdilik negizinde yntymaqtastyqty damytýǵa daıyn ekenin aıtty. Bul týraly Talıban Syrtqy ister mınıstrliginiń baspasóz hatshysy Abdýl Kahar Balhı X áleýmettik jelisinde (burynǵy Twitter) jazba jarııalady.
Sondaı-aq senim gramotalaryn tapsyrý rásimi aıaqtalǵan soń Bılal Karımıdiń Qytaı Syrtqy ister mınıstri Van Imen de kelissózder júrgizgeni aıtyldy.
2021 jyldyń tamyzynda bılikke oralǵannan beri Talıban Aýǵanstannyń, ásirese kórshi elderdegi dıplomatııalyq mıssııalaryna turaqty túrde baqylaý ornatty. Talıban qazir Pákistan, Ózbekstan jáne Túrkimenstandy qosa alǵanda, kem degende 14 eldegi Aýǵanstannyń elshilikterdi qaraýyna alǵan.
Keıbir elder, sonyń ishinde Reseı, Qytaı jáne Iran Kabýlda óz elshilikterin saqtaıdy.
Reseı Syrtqy ister mınıstri Sergeı Lavrov ótken aptada Nıý-Iorkte jýrnalısterge Máskeýdiń saıası jáne adam quqyqtaryna baılanysty Talıban rejımin áli moıyndamaǵanyn aıtty.
The President of the People's Republic of China H.E. Xi Jinping, accepted the letter of credence of Mawlawi Asadullah (@BilalKarimi44) as the Ambassador Extraordinaire and Plenipotentiary of the Islamic Emirate of Afghanistan to China pic.twitter.com/GuFaEsqilT
— Abdul Qahar Balkhi (@QaharBalkhi) January 30, 2024
