Sı Tszınpın Reseıge úsh kúndik saparmen barady

ASTANA. KAZINFORM - QHR tóraǵasy Sı Tszınpın Reseı prezıdenti Vladımır Pýtınniń shaqyrýymen 7-10 mamyr aralyǵynda Reseıge resmı saparmen barady. Bul týraly Kremldiń baspasóz qyzmeti habarlady. 

Qytaı basshysy Ekinshi dúnıejúzlik soǵystaǵy jeńistiń 80 jyldyǵyna arnalǵan merekelik sharalarǵa qatysatyny atap ótildi. Sondaı-aq memleket basshylary arasynda kelissózder júrgizilip, qujattarǵa qol qoıý josparlanyp otyr.

— Kelissózderde jan-jaqty seriktestik pen strategııalyq áriptestik qatynastaryn odan ári damytýdyń negizgi máseleleri, halyqaralyq jáne óńirlik mańyzy bar ózekti máseleler talqylanady. Birqatar ekijaqty úkimetaralyq jáne vedomstvoaralyq qujatqa qol qoıý josparlanyp otyr, — delingen habarlamada.

Eske sala keteıik, Sı Tszınpın Vetnam, Malaızııa jáne Kambodjaǵa memlekettik saparmen baratyny jaıly habarlandy.

Sı Tszınpın AQSh-pen «saýda soǵysy» aıasynda odaqtastarymen qarym-qatynasty nyǵaıtyp jatyr.