Sı Tszınpın men Vladımır Pýtın Shenchjende kelissóz ótkizdi

ASTANA. KAZINFORM — Sársenbi kúni Qytaı tóraǵasy Sı Tszınpın men Reseı prezıdenti Vladımır Pýtın Qytaıdyń ońtústigindegi Shenchjen qalasynda ekijaqty kelissóz ótkizdi, dep habarlaıdy Kazinform agenttiginiń Beıjińdegi menshikti tilshisi.

Sı Tszınpın ı Vladımır Pýtın provelı peregovory v Shenchjene
Foto: Berik Tabynbaev/Kazinform

– Búgin túske deıin QHR tóraǵasy Sı Tszınpın Reseı prezıdenti Vladımır Pýtındi qabyldady. Kezdesýdiń egjeı-tegjeıin keıinirek jarııalaımyz, – dedi Qytaı Syrtqy ister mınıstrliginiń resmı ókili Go Tszıakýn jýrnalısterge arnalǵan brıfıngte.

Reseı prezıdenti 18-19 qarashada Shenchjen qalasynda ótetin Azııa-Tynyq muhıty ekonomıkalyq yntymaqtastyǵy (ATES) forýmyna qatysýshy elder basshylarynyń 33-shi beıresmı kezdesýine qatysý úshin keldi.

Kremldiń habarlaýynsha, kelissóz barysynda taraptar jan-jaqty áriptestik pen strategııalyq yntymaqtastyqty damytý joldaryn, sondaı-aq halyqaralyq jáne óńirlik máselelerdi talqylady. http://kremlin.ru/events/president/news/81287

Kelissózde QHR tóraǵasy memleket basshylary arasyndaǵy dıplomatııalyq baılanystyń mańyzdylyǵyna toqtaldy.

– Sizdiń jáne meniń basshylyǵymyzben Qytaı men Reseı arasyndaǵy qarym-qatynas álemdegi túrli syn-qaterge qaramastan, turaqtylyǵyn joǵaltqan joq. Eki eldiń yntymaqtastyǵy ýaqytsha saıası ahýalǵa táýeldi emes, damý múmkindigi de zor. Ol almaǵaıyp kezeńdi bastan ótkerip jatqan álemde turaqtylyq pen senimdi nyǵaıtyp, teńdikke, ózara qurmet pen tıimdi áriptestikke negizdelgen iri derjavalar arasyndaǵy jańa qarym-qatynastyń úlgisine aınaldy, – dedi Sı Tszınpın.

Al Reseı prezıdenti eki el arasyndaǵy yntymaqtastyqtyń nátıjelerine toqtalyp, halyqaralyq arenadaǵy ózara is-qımylǵa oń baǵasyn berdi.

– Reseı men Qytaıdyń syrtqy saıası baılanysy turaqty ári oń baǵytta damyp keledi. Kúrdeli geosaıası jaǵdaıda ádiletti ári kóppolıarly álemdik tártip qalyptastyrý máselesinde syndarly ustanymdy basshylyqqa alamyz, – dedi Vladımır Pýtın.

Buǵan deıin Qytaı SІM Sı Tszınpın, Pýtın jáne Tramptyń 19 qarashada kezdesetinin rastaǵanyn habarlaǵan edik.