Sı Tszınpın Qytaıda týý kórsetkishin turaqtandyrýǵa shaqyrdy

ASTANA. KAZINFORM – Qytaı tóraǵasy Sı Tszınpın 2026 jylǵa arnalǵan ekonomıkalyq saıasattyń negizgi basymdyqtaryn belgilep, demografııalyq daǵdarysty nekeni nasıhattaý jáne otbasylarǵa memlekettik qoldaý kórsetý arqyly eńserýge erekshe nazar aýdardy, dep habarlaıdy Qiushi partııalyq basylymy.

Sı Tszınpın óz maqalasynda bılik organdary úkimettiń aǵymdaǵy jylǵa arnalǵan qarbalas kún tártibi jaǵdaıynda strategııalyq baǵyttarǵa nazar aýdarýy qajet ekenin atap ótti. 

Kún tártibindegi negizgi máselelerdiń biri neke ınstıtýtyna qatysty qoǵamdyq ahýaldy ózgertý boldy. QHR tóraǵasy otbasyn qurý men bala týý týraly oń kózqarasty qalyptastyrý qajettiligi, sondaı-aq týý kórsetkishterin turaqtandyrýdyń mańyzdylyǵy týraly málimdedi.

Qytaı kóshbasshysy osy maqsattarǵa jetý úshin birqatar áleýmettik qoldaý sharalaryn júzege asyrýdy tapsyrdy. Atap aıtqanda, bul balalarǵa arnalǵan járdemaqy tóleý júıesin jetildirý jáne jas ata-analar úshin qolaıly jaǵdaılar jasaýdy qamtıdy.

Sı Tszınpın sonymen qatar halyqtyń eń osal toptary úshin áleýmettik qorǵaý júıesin nyǵaıtýǵa shaqyrdy. Ol memlekettik saıasattyń gýmanıtarlyq vektoryn atap ótip, jalǵyzbasty qarttar jáne kognıtıvti buzylýy jáne múgedektigi bar azamattarǵa qamqorlyqty kúsheıtý qajettiligi týraly aıtty.

Osyǵan deıin Qytaıda bala kútimi qyzmetteri qoljetimdi ári sapaly bola bastaǵanyn jazdyq.