Sı Tszınpın Qyrǵyzstanǵa memlekettik saparmen bardy
ASTANA. KAZINFORM — Búgin, 30 tamyzda Qytaı Halyq Respýblıkasynyń tóraǵasy Sı Tszınpın Qyrǵyzstanǵa memlekettik saparmen bardy, dep habarlaıdy Kazinform agenttigi Qyrǵyzstannyń «Kabar» aqparat agenttigine silteme jasap.
«Manas» halyqaralyq áýejaıynda QHR tóraǵasy Sı Tszınpın men Qytaıdyń birinshi hanymy Pen Lııýandi Qyrǵyz Respýblıkasynyń prezıdenti Sadyr Japarov pen birinshi hanym Aıgúl Japarova kútip aldy.
Qyrǵyzstan prezıdenti ákimshiliginiń málimetinshe, Sadyr Japarov pen Sı Tszınpın beıresmı kezdesý ótkizdi.
Beıresmı keshki as barysynda eki eldiń kóshbasshylary ekijaqty yntymaqtastyqtyń ózekti máselelerin, sondaı-aq aldaǵy resmı is-sharalardyń negizgi taqyryptaryn talqylady.
Sondaı-aq Qytaı Halyq Respýblıkasynyń tóraǵasy Shanhaı yntymaqtastyq uıymyna (ShYU) múshe memleketter basshylary keńesiniń otyrysyna jáne «ShYU plıýs» formatyndaǵy kezdesýge qatysady.
Eske salaıyq, buǵan deıin Bishkek ShYU sammıtin ótkizýge qyzý daıyndalyp jatqanyn jazǵanbyz.
Shanhaı yntymaqtastyq uıymynyń sammıti men VI Dúnıejúzilik kóshpendiler oıyndaryna daıyndyq jáne olardy ótkizý kezeńinde elde qaýipsizdik sharalary kúsheıtiledi.
ShYU sammıti ótetin ýaqytta Bishkek turǵyndaryna qaladan ýaqytsha ketý týraly ótinish aıtyldy.
Qaýipsizdikti qamtamasyz etý jáne sammıt pen VI Dúnıejúzilik kóshpendiler oıyndary kezinde kólik júıesine túsetin júktemeni azaıtý maqsatynda 31 tamyz ben 1 qyrkúıekte Bishkektegi iri saýda ortalyqtary, bazarlar jáne resmı delegatsııalar júretin baǵyttardaǵy birqatar jerasty ótkeli jabylady.
Bishkek áýejaıynda ShYU sammıtine baılanysty reıster shekteledi.
Bishkekte ótetin ShYU sammıti men VI Dúnıejúzilik kóshpendiler oıyndary kezinde qoǵamdyq tártipti 15 myńnan astam tártip saqshysy qamtamasyz etedi.
