15:57, 02 Shilde 2024 | GMT +6
Sı Tszınpın qazaq balalaryn Qytaıǵa oqýǵa shaqyrdy
ASTANA. KAZINFORM — Búgin Qytaı tóraǵasy Qazaqstanǵa memlekettik saparmen keldi.
Áýejaıdaǵy qarsy alý saltanatynda birneshe qazaq balasy Qytaı tóraǵasyna arnap qytaı tilinde án shyrqap, jyly lebizin jetkizdi.
QHR tóraǵasy balalarǵa rızashylyǵyn bildirip, bolashaqta Qytaıdyń joǵary oqý oryndarynda bilim alýǵa shaqyrdy.
«Barshańyzǵa rahmet! Bolashaqta Qytaı ýnıversıtetterine oqýǵa túsińizder, máselen Tsınhýa nemese Beıjiń ýnıversıtetine, kez kelgen oqý ornyna kelińizder. Biz sizderdi qýana qarsy alamyz!» — dedi Sı Tszınpın.
Eske sala keteıik, búgin Prezıdent Qasym-Jomart Toqaev Qazaqstanǵa memlekettik saparmen kelgen QHR Tóraǵasy Sı Tszınpındi elorda áýejaıynda qarsy alǵan edi.
