Sı Tszınpın Gonkongtaǵy órtke baılanysty kóńil aıtty
ASTANA. KAZINFORM – Qytaı tóraǵasy Sı Tszınpın Gonkong arnaıy ákimshilik aımaǵyndaǵy (AÁA) turǵyn ǵımarattaryndaǵy iri órtten qaza tapqandar men jaraqat alǵandardyń otbasylaryna qaıǵyryp kóńil aıtty, dep habarlaıdy Sınhýa aqparat agenttigi.
Qytaı kóshbasshysy Gonkong AÁA Ortalyq halyq úkimeti baılanys keńsesiniń dırektory aımaq gýbernatory Lı Tszıachaoǵa kóńil aıtýdy tapsyrdy.
Sı Tszınpın Qytaı Kommýnıstik partııasy Ortalyq komıtetiniń Gonkong jáne Makao isteri jónindegi keńsesi men Gonkong arnaıy ákimshilik aımaǵyndaǵy AÁA Ortalyq halyq úkimetiniń baılanys keńsesinen órtti sóndirý, izdeý-qutqarý jumystaryn barynsha tıimdi júrgizý, jaraqat alǵandardy emdeý jáne qaza tapqandardyń otbasylaryna kómek kórsetý úshin barlyq qajetti sharany qabyldaýda jergilikti ákimshilikke qoldaý kórsetýdi talap etti.
Gonkongtaǵy Ortalyq Halyq úkimetiniń baılanys keńsesi AÁA úkimetimen tyǵyz baılanysta bolyp, qutqarý jumystaryna jan-jaqty qoldaý kórsetý úshin tótenshe jaǵdaılar jónindegi arnaıy jumys tobyn qurdy.
Sársenbi kúni Gonkongtyń soltústigindegi Wang Fuk Court turǵyn úı kesheninde bolǵan iri órt 44 adamnyń ómirin qıdy. Júzdegen turǵyn iz-túzsiz joǵalyp ketti. Jaraqat alǵan 29 adam aýrýhanada jatyr, olardyń jeteýiniń jaǵdaıy óte aýyr.
Buǵan deıin Gonkongtyń Taı Po aýdanyndaǵy «Van Fýk Kort» turǵyn úı kesheninde tilsiz jaýdan mert bolǵandardyń sany 44 adamǵa jetkenin jazǵan edik.