Sı Tszınpın «BRIKS» aıasynda yntymaqtastyqtyń bes bastamasyn usyndy
NЬıÝ-DELI. KAZINFORM — Ol bul usynystaryn Nıý-Delıde ótip jatqan BRIKS elderi basshylary kezdesýiniń ekinshi kúnindegi is-sharalar barysynda aıtty, dep habarlaıdy Sınhýa.
QHR tóraǵasy Sı Tszınpın jeksenbi kúni «úlkeıtilgen BRIKS» aıasynda jasandy ıntellekt, saýda jáne ınvestıtsııa rásimderin jeńildetý, tsıfrlyq ındýstrııa, aqyldy óndiris jáne ozyq ǵylymı-ınnovatsııalyq tehnologııalar salasynda mamandar daıarlaý baǵyttary boıynsha yntymaqtastyqtyń bes bastamasyn usyndy.
Sı Tszınpınniń pikirinshe, «úlkeıtilgen BRIKS» álemdik deńgeıdegi yqpalyn arttyryp, damýǵa serpin berip, praktıkalyq yntymaqtastyq úshin berik negiz qalyptastyrýy kerek.
Qytaı kóshbasshysy «úlkeıtilgen BRIKS» damýshy naryqtarǵa súıený jáne Jahandyq Ońtústik elderimen tyǵyz baılanys ornatý arqyly qalyptasqan artyqshylyqtaryn tıimdi paıdalanýy qajet ekenin atap ótti. Onyń aıtýynsha, uıym ózara tıimdilik pen ortaq tabysqa baǵyttalǵan ashyqtyq pen yntymaqtastyqty ilgeriletip, óndiristik jáne jetkizý tizbekteriniń turaqtylyǵy men úzdiksizdigin qamtamasyz etýge, sondaı-aq ıntegratsııalanǵan naryqtardyń qalyptasýyna yqpal etýi tıis.
Sonymen qatar Sı Tszınpın «úlkeıtilgen BRIKS» ınnovatsııalyq ınkýbatorlar quryp, dástúrli salalardy jańǵyrtyp, jańa ındýstrııalardy damytyp, bolashaq salalar úshin uzaq merzimdi josparlar ázirleýi kerek ekenin aıtty. Bul jańa tehnologııalardyń barshaǵa ortaq órkendeýge jol ashýyna múmkindik beredi.
Buǵan deıin Prezıdent Qasym-Jomart Toqaev Nıý-Delıde «aýtrıch»/«BRIKS plıýs» formatyndaǵy plenarlyq otyrysta sóz sóılegenin jazǵanbyz.
Memleket basshysy transshekaralyq ınfraqurylymǵa tóngen qaýip-qaterdiń ulǵaıa túsýin taǵy bir kúrdeli problema retinde atady.
Sondaı-aq, Toqaev BRIKS aıasynda jasandy ıntellekt boıynsha seriktestik qurýdy usyndy.
