Sı Tszınpın «Bir beldeý, bir jol» bastamasyn birlesip salýǵa shaqyrdy

BEIJІŃ. KAZINFORM – «Bir beldeý, bir jol» bastamasynyń qurylysy joǵary sapaly damýdyń jańa kezeńine aıaq basty. Bul týraly QHR tóraǵasy Sı Tszınpın «Bir beldeý, bir jol» bastamasyna arnalǵan sımpozıým barysynda málimdedi, dep habarlaıdy Xinhua aqparat agenttigi.

QHR tóraǵasy «Bir beldeý, bir jol» bastamasy aıasynda joǵary sapaly yntymaqtastyq tetikterin kúsheıtý, josparlaý, úılestirý jáne basqarý tetikterin jetildirý qajettigin atap ótti. 

Búginde Qytaı 150-den astam el jáne 30-dan astam halyqaralyq uıymmen «Bir beldeý, bir jol» aıasyndaǵy yntymaqtastyq týraly qujattarǵa qol qoıdy.

QHR Saýda mınıstrliginiń málimetinshe, 2023 jyldyń aıaǵynda qytaılyq kompanııalar «Bir beldeý, bir jol» bastamasyna qatysýshy elderde 17 myń sheteldik kásiporyn qurdy, tikeleı ınvestıtsııanyń jalpy kólemi 330 mlrd dollardan asty, al bastamalar aıasynda shetelde ashylǵan saýda-ekonomıkalyq yntymaqtastyq aımaqtary 530 myń jumys ornyn ashýǵa múmkindik berdi.

2024 jyldyń alǵashqy 10 aıynda Qytaıdyń «Bir beldeý, bir jol» bastamasyna qatysýshy eldermen saýdasy bir jylda 6,2%-ǵa ósti. 

«Bir beldeý, bir jol» bastamasy Qytaı 2013 jyly bastaǵan «Jibek jolynyń ekonomıkalyq beldeýi» jáne «HHІ ǵasyr teńiz Jibek joly» jobalaryn biriktiredi. 2024 jyly «Beldeý jáne jol» aıasyndaǵy yntymaqtastyqtyń ekinshi onjyldyǵyna keri sanaq bastaldy.

Eske salsaq, Qytaı Halyq Respýblıkasymen sheteldik ruqsat blankisin almasý budan bylaı elektrondy formatta júzege asady.