Sı Tszınpın 7 jylda alǵash ret memlekettik saparymen KHDR-ǵa keldi
ASTANA. KAZINFORM – QHDR Memlekettik ister jónindegi komıssııanyń tóraǵasy Kım Chen Yn Phenıandaǵy Kım Ir Sen alańynda Sı Tszınpındi qarsy alý rásimin ótkizdi, dep habarlaıdy Sınhýa aqparat agenttigi.
Keıinirek eki kóshbasshy kelissóz júrgizip, kórshiles elder arasyndaǵy kópjyldyq dostyqqa berik ekenin rastady jáne ekijaqty qarym-qatynasty odan ári damytýǵa ýáde berdi.
Sı Tszınpın Qytaı men Soltústik Koreıa halyqaralyq jáne aımaqtyq isterde strategııalyq úılestirýdi kúsheıtip, eki eldiń ortaq múddelerin qorǵaýy kerek dep málimdedi.
Kım Chen Yn sonymen qatar Soltústik Koreıa Qytaımen birlesip eki partııa men eki el arasynda barlyq deńgeıdegi almasýlardy nyǵaıtýǵa, sondaı-aq partııa qurylysy men ekonomıkalyq damý sııaqty salalardaǵy tájirıbe almasýǵa daıyn ekenin málimdedi.
Ol Soltústik Koreıa jańa nátıjelerge qol jetkizý úshin Qytaımen ózara tıimdi saýda-ekonomıkalyq yntymaqtastyqty tereńdetýge daıyn ekenin qosyp ótti.
Kazinform úshin arnaıy Sınhýa aqparat agenttigi usynǵan.
Aıta keteıik, buǵan deıin Sı Tszınpınniń osy jyldyń kúzinde Donald Tramptyń shaqyrýymen AQSh-qa memlekettik saparmen baratyny habarlanǵan.
Al AQSh pen Qytaı prezıdentiniń kezdesýi Ortalyq Azııaǵa qalaı áser etetini jónindegi sarapshy pikirin myna jerden oqı alasyz.
