Sı Tszınpın 2026 jyly AQSh-qa memlekettik saparmen barady
ASTANA. KAZINFORM — AQSh prezıdenti Donald Tramp Qytaı Halyq Respýblıkasynyń tóraǵasy Sı Tszınpın 2026 jyly AQSh-qa memlekettik saparmen keletinin rastady. Bul týraly ol qytaılyq kóshbasshymen telefon arqyly sóıleskennen keıin málimdedi, dep habarlaıdy Kazinform agenttigi.
Tramptyń aıtýynsha, áńgime «óte jaqsy ótti» jáne keń aýqymdy máselelerdi qamtydy.
— Biz Ýkraına/Reseı, fentanıl, soıa jáne basqa da aýyl sharýashylyǵy ónimderimen qatar, biraz taqyrypty talqyladyq. Biz uly fermerlerimiz úshin jaqsy ári óte mańyzdy kelisimge qol jetkizdik — jáne jaǵdaı odan ári jaqsara túsedi, — dep jazdy ol Truth Social áleýmettik jelisinde.
Tramp eki el arasyndaǵy qarym-qatynastyń oń baǵytta damyp kele jatqanyn atap ótti. Sondaı-aq ol bul áńgime «úsh apta buryn Ońtústik Koreıada ótken óte tabysty kezdesýdiń jalǵasy» bolǵanyn eske saldy.
Amerıkalyq kóshbasshy sol ýaqyttan beri «eki tarap ta kelisimderdiń ózektiligi men dáldigin saqtaýda eleýli progreske qol jetkizgenin» atap ótti.
— Prezıdent Sı meni sáýir aıynda Beıjińge kelýge shaqyrdy, men bul shaqyrýdy qabyldadym. Al men óz kezegimde ony keıinirek AQSh-qa memlekettik saparmen kelýge shaqyrdym. Biz únemi baılanysta bolýdyń mańyzdy ekenin quptadyq jáne men muny asyǵa kútemin, — dep jazdy Tramp.
Eske sala keteıik, buǵan deıin Tramp Sı áleýmettik jelide Tszınpınmen kezdesýi turaqtylyqqa ákeletinin aıtty.