«Sı Tszınpınniń anekdottary men naqyl sózderi» jınaǵy Qytaıda bestsellerge aınaldy
16 maýsymda ishinde 109 oqıǵa jazylǵan kitap reıtıngisi boıynsha Qytaıdaǵy iri onlaın-rıteılerdiń biri «Tszındýnnyń» «Saıası jáne áskerı ádebıet» sanatynda ekinshi oryn aldy.
China Daily basylymynyń jazýynsha, kitapqa Qytaıdyń memleket basshysynyń jumysy barysynda paıdalanǵan qytaılyq jáne shet el qaıratkerleriniń basynan keshken qysqa oqıǵalary men aforızmderi kirgen.
Jınaqty Qytaı Kommýnıstik partııasynyń ortalyq baspa organy «Jenmın jıbao» gazetiniń redaktsııalyq bóliminiń qatysýymen «Jenmın chýbanshe» baspasy shyǵardy.
«Birqatar oqıǵany men bala kezimnen beri estip kelemin, alaıda Sı Tszınpın olardy tartymdy baıandaıdy. Sı Tszınpınniń jarııa eńbegi eki túrli sıpatta: olar barynsha senimdi jáne joǵary mádenı baǵdarymen erekshelenedi. Men olardy oqyǵanda qaıratkerdiń aıryqsha bolmysyn sezinemin», - deıdi Beıjiń pedagogıkalyq ýnıversıtetiniń janyndaǵy qytaı tili men ádebıeti mektebiniń professory Kan Chjen.
