Sı Tszınpın úshinshi merzimge QHR basshysy bolyp qaıta saılandy

BEIJІŃ. QazAqparat – Jalpyqytaılyq halyq ókilderi jıynynyń (JHÓJ, parlament) depýtattary Sı Tszınpındi úshinshi bes jyl merzimge QHR tóraǵasy qyzmetine saılady. Bul týraly juma kúni «Sınhýa» agenttigi málimdedi, dep habarlaıdy QazAqparat tilshisi.

JHÓJ depýtattary daýys berý kezinde biraýyzdan Sı Tszınpındi qoldady.

Sondaı-aq Sı Tszınpın QHR Ortalyq áskerı keńesiniń tóraǵasy qyzmetine de qaıta saılandy.

Qytaı kommýnıstik partııasy Ortalyq komıtetiniń Saıası bıýrosy Turaqty komıtetiniń múshesi Chjao Letszı Jalpyqytaılyq halyq ókilderi jıyny Turaqty komıteti – eldiń joǵarǵy zańnamalyq organynyń tóraǵasy qyzmetine saılandy.

Sonymen qatar JHÓJ depýtattary Han Chjendi QHR tóraǵasynyń orynbasary laýazymyna saılady.

Daýys berý 14-shaqyrylym JHÓJ birinshi sessııasynyń úshinshi plenarlyq otyrysy kezinde ótti.

2023 jyldyń 5-13 naýryzy aralyǵynda Beıjińde jyl saıynǵy JHÓJ sessııasy ótip jatyr.