Sı Tszınpın Ýhanǵa bardy

ÝHANЬ. Sınhýa - QazAqparat – QHR Tóraǵasy Sı Tszınpın seısenbi kúni Hýbeı provıntsııasyndaǵy Ýhan qalasyna keldi, dep habarlaıdy QazAqparat Sınhýa agenttigine silteme jasap.

QHR Tóraǵasy COVID-19 jańa koronavırýs pnevmonııasy órship turǵan qaladaǵy «Hoshenshan» aýrýhanasyna ınspektsııa jasaý úshin barǵan.

Sı Tszınpın aýrýhanany paıdalaný, naýqastardy qabyldaý jáne emdeý jaǵdaıymen, medıtsına qyzmetkerleri úshin qorǵanys sharalarymen, sondaı-aq epıdemııaǵa qarsy kúreske baǵyttalǵan ǵylymı zertteýlermen tanysty.

Sondaı-aq, ol onda emdelip jatqan naýqastardy aralap, epıdemııamen kúndiz-túni kúresip jatqan medıtsına qyzmetkerlerimen amandasty.

Aıta keterligi, «Hoshenshan» - COVID-19 naýqastaryn emdeý úshin arnaıy 10 kún ishinde salynǵan myń oryndyq ýaqytsha aýrýhana.