Sı Tszınpın: Qytaılyq úlgidegi sotsıalızm jańa kezeńge qadam basty
ASTANA. QazAqparat - Qytaılyq úlgidegi sotsıalızm damýdyń jańa kezeńine qadam basty. Bul týraly QHR tóraǵasy, QKP Ortalyq komıtetiniń bas hatshysy Sı Tszınpın sársenbi kúni Qytaı kommýnıstik partııasy (QKP) XIX sezdiniń ashylýynda málim etti, dep habarlaıdy «Sınhýa».
«Partııa barsha Qytaı halqynyń basyn biriktirip, olardy orta dáýlettiler qoǵamyn qurýǵa jeteleý qajet jáne Qytaılyq úlgidegi sotsıalızm jańa dáýirge qadam basý kezinde jetistikke qol jetkizý kerek», - dedi ol.
Sı Tszınpın Qytaıdyń damýdy jalǵastyrýǵa strategııalyq múmkindigi bar ekenin, biraq bul jolda eldiń eleýli qıyndyqtarǵa tap bolatynyn málimdedi.
«Іshki ahýaldyń da, sheteldegi jaǵdaıdyń da únemi kúrdeli jaǵdaıynda bizdiń el damýdy jalǵastyrý úshin mańyzdy strategııalyq múmkindikterge ıe. Bizdiń bolashaǵymyz jarqyn, alaıda syn-tegeýrinder de joq emes», - dep aıtty ol.
Forýmǵa 2,3 myń delegat qatysyp jatyr. Sezd 24 qazanǵa deıin jalǵasady, onda sońǵy bes jyl ishindegi partııa jumysynyń nátıjeleri qaralady. Sondaı-aq, Qytaıdaǵy jáne basqa elderdegi qoǵamdyq-ekonomıkalyq jáne saıası ahýal talqylanady.
