Sı Tszınpın Qytaıdy ǵalamdyq kıber-derjavaǵa aınaldyrýǵa shaqyrdy
BEIJІŃ. QazAqparat - QHR tóraǵasy Sı Tszınpın ınternet qaýipsizdik jáne aqparattandyrý boıynsha ortalyq topty basqarýdy qolǵa aldy. Toptyń maqsaty - ınternet qaýipsizdik jáne aqparattandyrý salasyn basqarý, ony memlekettik retteý, sondaı-aq aqparattyq qaýymdy damytý jospary men ulttyq strategııany jasaý, dep habarlaıdy jergilikti BAQ.
«Biz memleketti kıber-derjavaǵa aınaldyrýǵa úles qosýymyz kerek», - dedi QHR basshysy.
Sı Tszınpınniń sózine qaraǵanda, ınternet qaýipsizdik jáne aqparattandyrý - el qaýipsizdigi salasynyń negizgi strategııalyq máselesi.
QHR Memlekettik keńesiniń premeri Lı Ketsıan jáne Qytaı kommýnıstik partııasynyń bas ıdeology Lıý ıÝnshan top tóraǵasynyń orynbasary boldy. Qytaı álemdegi kıber-shabýyldan japa shegip júrgen iri memleketterdiń biri. Sońǵy ýaqytta 3 myńnan astam úkimettik saıt buzyldy. 1 aptanyń ishinde, ıaǵnı aqpannyń 10-y men 16-sy aralyǵynda Qytaıda 690 myńnan astam kompıýter vırýstaldy.
