Sı Tszınpın: Qytaıdaǵy memlekettik BAQ oqıǵany «oń» jaǵynan jarııalaýy tıis
ASTANA. QazAqparat - Qytaıdyń memlekettik buqaralyq aqparat quraldary Qytaı Kompartııasynyń jolyn qatań ustanyp, oqıǵany «jaǵymdy» taratýǵa daǵdylanýy tıis. "Jenmın jıbao" gazeti jazǵandaı, bul týraly QHR tóraǵasy Sı Tszınpın habarlady.
«QKP basqarýyndaǵy barsha BAQ kompartııanyń erkindigi men onyń usynysyn partııanyń jumylýy men bedelin qorǵaı otyryp jetkizýi tıis», - dep málimdedi juma kúni Qytaıda jetekshi BAQ shtab-páterine ótken sımpozıýmda QHR tóraǵasy. Onyń aıtýynsha, memlekettik BAQ «QKP OK partııalyq ıdeologııasymen, saıası oı-pikirimen habardarlyǵyn arttyrýy» qajet. «Partııaǵa adamdardyń rýhanı baıýyn qamtamasyz etýge járdemdesýi tıis», - dep málimdedi Sı Tszınpın.
«Jýrnalıster arasynda tilshilerdi Qytaı kompartııasy usynǵan usynystar men saıasatty taratýshy etý, teńdik pen ádildikke yqpal etý úshin marksıstik jýrnalıstıkany zerdeleýi kótermelenýi tıis», - dep atap ótti qytaılyq kóshbasshy.
«Jýrnalıstıkanyń ómiri shyndyqty jetkizýden turady, fakti shyndyqqa negizdelgeni mańyzdy. Faktini dál bere otyryp jýrnalıst bolyp jatqan oqıǵanyń jalpy jaǵdaıyn kórsete biletindeı oı-órisi keń bolýy qajet», - dep sanaıdy QHR tóraǵasy. «BAQ problemalar men áleýmettik aýrýlarǵa qarsy turyp, jaqsylyqty dáriptep, jamandyqty synǵa alýy tıis», - dep óz sózinde qytaılyq kóshbasshy baǵalaý materıaldaryn daıyndaý kezinde naqty faktiler men obektıvti taldaý keltirý mańyzdylyǵyna toqtaldy.
