Sı Tszınpın Qytaıdaǵy qandy qyrǵynǵa kinálilerdi qatań jazalaýdy tapsyrdy
ASTANA. QazAqparat - QHR Tóraǵasy Sı Tszınpın quqyq qorǵaý organdaryna Kýnmındegi bolǵan terrorlyq aktini tergeýge bar kúshin salýdy talap etti jáne lańkesterdi qatań jazalaýdy tapsyrdy, dep habarlaıdy «Sınhýa» agenttigi.
Eske sala keteıik, senbi kúni jergilikti ýaqyt boıynsha 21:00-de qarýlanǵan 10 adam Kýnmın qalasynyń temirjol vokzalyna shabýyl jasaǵan. Saldarynan 29 adam qaza boldy, 130-dan astamy jaraqattandy. Jergilikti bılik oryndarynyń málimetine qaraǵanda, terrorlyq akti aldyn ala josparlanǵan jáne ony shyńjań separatısteri júzege asyrǵan. Polıtsııa olardyń tórteýin atyp tastady, taǵy bir kúdiktini qamaýǵa aldy. Sı Tszınpın zardap shekkenderge tolyq medıtsınalyq járdem berýdi tapsyrdy. Sondaı-aq bolǵan oqıǵanyń qanshalyqty kúrdeli, qatygez ekenin jete túsinýge jáne terrorızmmen kúresýde qatań sharalardy qoldanýǵa shaqyrdy.
