Sı Tszınpın: Qytaı qoǵamdyq dárethanalardy jańǵyrtýdy jalǵastyrýy tıis
ASTANA. QazAqparat - Qytaı ishki týrızmdi damytý maqsatynda «dárethana tóńkerisi» aıasyndaǵy qoǵamdyq oryndardaǵy dárethanalardy jańǵyrtýdy jalǵastyrýy tıis, dep málimdedi QHR tóraǵasy Sı Tszınpın. Bul jaıly Sınhýa agenttigi habarlaıdy.
«Qala jáne aýyldardy damytýda taza dárethanalardyń alatyn orny erekshe, sondyqtan qala jáne aýyl turǵyndarynyń ómir súrý sapasyn jaqsartý úshin qoǵamdyq dárethanalardy jańǵyrtý qajet», - deıdi Sı Tszınpın eldiń týrızm sektorynda júrgizilgen «dárethana tóńkerisiniń» jetistikteri týraly dırektıvada.
«Qytaı «dárethana tóńkerisimen» qatar qoǵamdyq nysandar men týrızmdi damytýǵa qarqyn beretin qyzmetterdi de jaqsartýy tıis», dedi Sı Tszınpın.
2015 jyly QHR Týrızm jónindegi memlekettik basqarmasy búkil elde úsh jyldyq ulttyq «dárethana tóńkerisin» jarııalaǵan bolatyn. Qazan aıynyń sońyna qaraı Qytaıda 68 myń qoǵamdyq dárethana salyndy jáne jóndeldi. Qytaı bıliginiń málimdeýinshe, bul jospar 19,3 protsentke artyǵymen oryndaldy degen sóz.
