Sı Tszınpın ІІ Dúnıejúzilik soǵystyń tarıhyn burmalaýǵa qarsy shyqty
«Tarıhty umytý bul satqyndyq. Aǵymdaǵy jyly BUU-nyń qurylǵanyna jáne dúnıejúzilik fashızmge qarsy soǵystyń aıaqtalǵanyna 70 jyl toldy. BRIKS elderi barlyq beıbitshilik súıgish eldermen jáne halyqtarmen birlesip, ІІ Dúnıejúzilik soǵysy tarıhyn joqqa shyǵarýǵa, burmalaýǵa, qaıta jazýǵa tabandy túrde qarsy shyǵýy tıis», - dedi Sı Tszınpın Ýfada ótken BRIKS memleketteri kóshbasshylarynyń keńeıtilgen otyrysynda.
Sonymen qatar ol BRIKS elderi birlese otyryp, Ekinshi dúnıejúzilik soǵys qorytyndysyna qatysty halyqaralyq ádildiktiń ári teń quqylyqtyń oryn alýyna tabandy túrde kúresýge shaqyrdy.
«Birlese tarıhtan sabaq alýymyz, qyrǵı qabaq soǵysty eńserýimiz, nóldik nátıje oıyndarynan bas tartýymyz qajet. Birlese, álemdi qorǵap, óńirdegi jáne búkil álemdegi beıbitshilik pen turaqtylyqty qorǵaýymyz qajet. Seriktestik qarym-qatynasty jolǵa qoıýǵa tıispiz», - dedi S.Tszınpın.
