Sı Tszınpın Eýrazııanyń kólik júıesin damytýdaǵy Qazaqstannyń róline joǵary baǵa berdi

BEIJІŃ. QazAqparta - QHR tóraǵasy Sı Tszınpın «Bir beldeý, bir jol» halyqaralyq yntymaqtastyq forýmynyń «Ózara yntymaqtastyq úshin birlesken is-qımyl» sessııasynda Eýrazııanyń tranzıttik-kólik áleýetin damytýdaǵy Qazaqstannyń róline joǵary baǵa berdi, dep habarlaıdy «QazAqparat» HAA-nyń Qytaıdaǵy menshikti tilshisi.

«Qazaqstan ınfraqurylymdyq qurylysty damytýda belsendi ról oınap, kóp kóńil bólýde, transshekaralyq kólik-logıstıkalyq júıeni qalyptastyrýǵa joǵary deńgeıde atsalysyp jatyr», - dedi Qytaı kóshbasshysy Qazaqstan Prezıdenti Nursultan Nazarbaevtyń sóılegen sózine pikir bildire otyryp. 

 

Sı Tszınpın Qazaqstan belsendi túrde qoldaý tanytyp otyrsa, Eýrazııadaǵy ınfraqurylymnyń sabaqtastyq deńgeıi joǵarylap, «Jańa Eýrazııadaǵy qurlyqtyq kópirdiń» logıstıkalyq jáne kóliktik áleýeti tutasymen damıtynyna senim bildirdi.

Eske salaıyq, Nursultan Nazarbaev «Bir beldeý, bir jol» atty halyqaralyq yntymaqtastyq boıynsha joǵary deńgeıdegi forýmǵa qatysýymen qatar,  QHR-ǵa eki kúndik resmı saparmen keldi.