Sı Tszınpın «Tsıfrlyq Qytaı» qurý úshin zertteýler men ınnovatsııalardy damytýǵa shaqyrdy
BEIJІŃ. QazAqparat - Qytaı Kommýnıstik partııasy Ortalyq komıtetiniń Bas hatshysy Sı Tszınpın QKP 19-sezinde «Tsıfrlyq Qytaı» jáne «aqyldy qoǵam» qurý úshin zertteýler men ınnovatsııalardy damytýǵa shaqyrdy, dep habarlaıdy «QazAqparat» HAA-nyń Qytaıdaǵy menshikti tilshisi.
«Qytaıdy álemdegi ǵylym jáne tehnologııalar, ónim sapasy, ǵaryshkerlik, jelilik tehnologııalar, kólik salalaryndaǵy kóshbasshy elderdiń birine aınaldyrý, sondaı-aq «Tsıfrlyq Qytaı» men «aqyldy qoǵam» qurý úshin negizgi qoldanbaly zertteýlerdi jandandyrý, ınnovatsııalarǵa, aldyńǵy qatarly tehnologııalarǵa kóbirek mán berý qajet», - dedi Sı Tszınpın.
Eske sala keteıik, QKP 19-sezi 2017 jyldyń 24 qazanyna deıin jalǵasady. Kún tártibine úsh qujatty qaraý jáne qabyldaý máselesi qoıylǵan, olar: QKP OK baıandamasy, QKP Ortalyq komıssııasynyń tártipti tekserý jónindegi baıandamasy jáne QKP jarǵysyna túzetýler engizý jaıly qujat.
Forým barysynda Saıası bıýro turaqty komıtetiniń, Saıası bıýronyń jáne Ortalyq komıtettiń kadrlar quramy jańartylady. Sezd jumysy aıaqtalǵannan keıin QKP OK 19-shaqyrylymynyń birinshi plenýmy ótedi. Onda QKP OK-nyń quramy jáne Ortalyq komıssııanyń tártipti tekserý jónindegi jańa quramy jarııalanady. QHR ómirindegi basty saıası aptalyqtyń jalpy nátıjeleri 26 qazanda ótetin baspasóz konferentsııasynda qorytyndylanady.
