Sı Tszınpın Beıjińde Kım Chen Ynmen kelissózder júrgizdi
ASTANA. QazAqparat - QHR Tóraǵasy Sı Tszınpın seısenbi kúni Beıjińde QHDR lıderi Kım Chen Ynmen kelissózder júrgizdi. Bul týraly Sınhýa agenttigi habarlady.
Memleket basshylary ekijaqty qarym-qatynastardy damytý máseleleri jáne Koreı túbegindegi jaǵdaıǵa qatysty ashyq pikir almasty.
Olar QHR men QHDR arasyndaǵy qarym-qatynastardy damytyp, nyǵaıta túsýge, Koreı túbeginde beıbitshilik pen turaqtylyqta qalyptastyrýǵa yqpal etýge, búkil álemde jáne óńirde turaqtylyq pen jańǵyrý úderisine úles qosýǵa kelisti.
