ShYU Jerdiń jarty aýmaǵyn qamtıdy
ASTANA. QazAqparat - Reseı Prezıdenti Vladımır Pýtın Shanhaı yntymaqtastyq uıymy sammıtiniń basty kúniniń sharalaryna qatysty. Onyń qorytyndysy boıynsha Úndistan men Pákistan ShYU talaptaryna saı bir jyl ishinde tıisti normatıvtik bazany qalyptastyrý mindetin ózine alý týraly Deklaratsııaǵa qol qoıyldy.
Tolyǵyraq "Komsomolskaıa pravda" radıosynyń efırinde Tashkenttegi tilshi Dmıtrıı Smırnov baıandady.
"Kelesi jyly ShYU eki jańa múshemen tolyǵady dep aıtýǵa bolady, budan keıin ShYU Jerdiń jarty aýmaǵynda ornalasqan elderdi biriktirmek", - dep habarlady tilshi.
Uıymda shamamen 4 mlrd adam bolmaq, dep habarlady Ýtro.rý
Smırnov Vladımır Pýtın Úndistan men Pákistannyń uıymǵa qosylýy alǵa basqan úlken damý bolatynyn aıtqanyn jetkizdi. Al jıyn Tashkentte ótkendikten, sammıt qojaıyny bolyp esepteletin Ózbekstannyń prezıdenti Islam Karımov búgin Tashkentte tarıhı oqıǵa bolǵanyn aıtty.
