ShYU jáne BEK aıasynda birlesken daǵdarysqa qarsy is-sharalar júrgiziledi - K.Másimov
TANA. 9 qarasha. QazAqparat - Shanhaı yntymaqtastyǵy uıymy elderiniń ekonomıka mınıstrleri keńes berýge kiristi. Bul týraly QR Premer-mınıstri Kárim Másimov Qazaqstan damý bankiniń 10 jyldyq mereıtoıyna arnalǵan halyqaralyq konferentsııa barysynda málimdedi.
«Osydaı eki kún buryn ShYU qabyldaǵan sheshimniń mańyzy asa zor dep oılaımyn. Biz daǵdarystyń saldarlarymen kúreske baǵytalǵan is-áreketterimizdi úılestirip, keńes berýde túbegeıli sheshimge keldik. Ekinshiden, biz týyndaǵan máselelerge shuǵyl áreket etý úshin qandaıda bir sharalar qoldanýymyz kerek. ShYU elderinde ekonomıka mınıstrleri deńgeıinde jumys toptary quryldy, olar qazirdiń ózinde tıesili keńesterin berýmen aınalysyp jatyr», - dep atap ótti K.Másimov, dep jazady pm.kz.
Búgin Astanada Qazaqstan damý Bankiniń 10-jyldyq mereıtoıyna arnalǵan halyqaralyq konferentsııa ótip jatqanyn eske salamyz. Konferentsııa taqyryby: «Ekonomıkany jańǵyrtý maqsatynda ınvestıtsııalardy yntalandyrý. Jańa jaǵdaılar». Bul sharaǵa 20 elden 250 delegat qatysyp otyr. Olardyń qatarynda ınvestıtsııalyq bankırler, iri kásiporyndardyń, sondaı-aq vedomstva men mınıstrlikterdiń basshylary bar.
