ShYU transshekaralyq epızootııalyq aýrýlarmen kúresti kúsheıtedi

BEIJІŃ-SIANЬ. QazAqparat - Aldaǵy 9-10 maýsymda Qytaıdyń Shensı provıntsııasyndaǵy Tsındao qalasynda bolatyn Shanhaı yntymaqtastyq uıymy (ShYU)  sammıtinde Birlesken profılaktıka jáne transshekaralyq  epızootııalyq aýrýlarmen birlese kúresý, aldyn alý jáne baqylaý boıynsha memorandýmǵa qol qoıylady, dep habarlaıdy Qytaıdaǵy «QazAqparat» HAA tilshisi.

Qujat mátini Sıan provıntsııasyndaǵy Shensı qalasynda ótken ShYU elderiniń  transshekaralyq  epızootııalyq aýrýlardyń aldyn alý jáne monıtorıngi boıynsha yntymaqtastyq jónindegi konferentsııada kelisilgen.  

Memorandým baqylaý, transshekaralyq epızootııalyq aýrýlarmen kúres, ShYU-ǵa múshe- memleketter yntymaqtastyǵyn jolǵa qoıý, indet qaýpiniń aldyn alý sharalaryn jasaqtaý, sondaı-aq taǵam ónimderi saýdasynyń qaýipsizdigi, janýarlar jáne olardyń ónimderin óńdeýde ózara yntymaqtastyqty qarastyrady.

«Bul bizge ShYU elderiniń veterınarlyq qyzmeti arasynda tikeleı baılanys jasaýǵa múmkindik týǵyzady. Sondaı-aq bizdiń elderimiz arasynda saýda rásimderin jeńildetedi. Bizdiń bızneske bul kómek»,-dedi qazaqstandyq jýrnalısterge bergen suhbatynda QR aýyl sharýashylyǵy vıtse-mınıstri Gúlmıra Isaeva.