ShYU terrorızmge qarsy birlesken oqý-jattyǵýlar ótkizý tártibi týraly kelisimi qabyldandy - Parlament
ASTANA. Naýryzdyń 18-i. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Shanhaı yntymaqtastyq uıymyna múshe memleketterdiń terrorızmge qarsy birlesken oqý-jattyǵýlaryn uıymdastyrý jáne ótkizý tártibi týraly kelisimdi ratıfıkatsııalaý týraly» zańyn qabyldady,
dep habarlaıdy QazAqparat.
Atalǵan kelisim ShYU múshe memleketterdiń aýmaqtarynda terrorızmge qarsy birlesken oqý-jattyǵýlar ótkizý úshin quqyqtyq negiz jasaýǵa baǵyttalǵan. Sondaı-aq, qujat óńirde halyqaralyq beıbitshilik pen qaýipsizdikti qamtamasyz etý máseleleri boıynsha memleketaralyq qatynastarǵa negiz qalaýǵa qosylatyn úles bolyp tabylady.
Parlament qabyldaǵan zańda qamtylǵan oqý-jattyǵýlar ótkizýdiń maqsaty olardyń aýmaqtarynda terrorıstik akt jasalǵan nemese jasalý qateri týyndaǵan kezde Taraptardyń birlesken is-qımyldary úshin terrorızmge qarsy arnaýly qurylymdar daıarlaý bolyp tabylady. Sondaı-aq, bundaı oqý-jattyǵýlardyń negizgi mindetteri basqarý organdarynyń jınaqylyǵy deńgeıin arttyrý, oǵan qatysýshylardyń praktıkalyq mashyqtaryn jetildirý, terrorızmge qarsy is-sharalar júrgizýdiń jańa amaldary men tásilderin paıdalaný, sondaı-aq tájirıbe almasý bolyp tabylady.
Oqý-jattyǵý ótkizý týraly sheshimdi ShYU Terrorızmge qarsy óńirlik qurylymynyń Keńesi qabyldaıtyn bolady.
