ShYU syrtqy qaýip-qaterlerge tótep berip otyr - Alımov
«Shanxaı yntymaqtastyq uıymy keńistigindegi qaýipsizdiktiń deńgeıi áli de joǵary bolyp tur. Osynyń bári - uıymǵa múshe memleketterdiń belsendi ári birlesken jumysynyń nátıjesi. Sonyń arqasynda ShYU syrtqy qaýip-qaterlerdiń enip ketpeýine jol bermeı, oǵan tótep berip otyr. Qazaqstannyń tóraǵalyǵymen biz ol mexanızmniń qalaısha jumys istep jatqanyn anyq kórip otyrmyz. Budan bólek, Shanxaı yntymaqtastyq uıymy xalyqaralyq jáne aımaqtyq uıymdarmen aradaǵy yntymaqtastyq baılanystaryn nyǵaıtyp keledi. Ásirese, Birikken Ulttar Uıymymen qarym-qatynas kúsheıýde. Qazaqstannyń osy saladaǵy jumysyna BUU Bas Assambleıasy da óz baǵasyn berdi», - dedi Alımov Shanxaı yntymatastyq uıymyna múshe memleketterdiń Qaýipsizdik keńesi xatshylarynyń 12-shi kezdesýine arnalǵan baspasóz máslıxatynda.
Onyń aıtýynsha, kezdesýge qatysýshylar aımaqtaǵy qaýipsizdik pen turaqtylyq, terrorızm, ekstremızm, separatızm, zańsyz esirtki aınalymy men transulttyq uıymdasqan qylmyspen kúres sharalary uıymnyń basty baǵyttary bolyp qala beretinin taǵy bir márte rastady.
Aıta keteıik, búgin arnaıy baspasóz máslıxatynda QR Prezıdentiniń kómekshisi - QR Qaýipsizdik keńesiniń xatshysy Vladımır Jumaqanov Astanada ótken Shanxaı yntymaqtastyq uıymyna múshe memleketterdiń Qaýipsizdik keńesi xatshylarynyń 12-shi kezdesýin qorytyndylady .