ShYU Senat saılaýynyń qorytyndysyn moıyndaıdy - baıqaýshylar mıssııasy
ASTANA. QazAqparat - Senat saılaýy zańnamaǵa sáıkes ótkizildi. Bul týraly búgin Astanada ótken baspasóz máslıhatynda Senat saılaýynda Shanhaı Yntymaqtastyq Uıymy atynan baıqaýshylar mıssııasynyń basshysy Mahmadsharıf Hakdodov málim etti.
«ShYU baıqaýshylar mıssııasyna QR Senaty depýtattyǵyna tirkelgen kandıdattar týraly tolyq aqparat usynyldy. 1 qazandaǵy saılaý kúni mıssııa músheleri saılaý ýchaskelerinde boldy. Osynyń nátıjesinde biz QR OSK júzege asyrǵan uıymdastyrýshylyq jáne túsindirý sharalarynyń joǵary sapaly bolǵanyn málimdeımiz. QR OSK zańnamany qoldaný boıynsha barlyq nusqaýlardy taratyp, uıymdastyrýshylyq jumystar úshin barlyq sharalar qabyldandy», - dedi M.Hakdodov.
Sonymen qatar ol daýys berý kompanııasy barysynda obektıvti monıtorıng júrgizý úshin barlyq qolaıly jaǵdaılardyń jasalǵandyǵyn atap ótti. «Osyǵan oraı mıssııanyń baǵamy boıynsha QR Parlamenti Senatyna depýtattardy saılaý Qazaqstan zańnamasyna jáne halyqaralyq mindettemelerge sáıkes ótkizildi. Bul óz kezeginde bul saılaý naýqany ashyq ári demokratııalyq jolmen ótkizilgenin moıyndaýǵa múmkindik beredi», - dep túıdi ol. Aıta keteıik, mıssııa quramyna Qytaı, Qyrǵyzstan, Reseı, Tájikstan, Ózbekstan elderinen baıqaýshylar endi. Budan buryn habarlanǵandaı, QR OSK saılaý qorytyndylaryn jarııalap, Senatqa 16 depýtat saılanǵanyn málim etti.
