ShYU Senat depýtattary saılaýyn uıymdastyrý sharalaryna joǵary baǵa berdi
«Bizdiń mıssııamyzdyń qatarynda 12 baıqaýshy boldy. Olar uıymyzdyń múshe memleketteri QHR, Qyrǵyzstan, Reseı, Tájikstan, Ózbekstan, sonymen qatar ShYU hatshylyǵynyń ókilderi», - dedi elimizdiń Ortalyq saılaý komıssııasynda ótken brıfıngte atalǵan mıssııa jetekshisi Van Kaıven.
ShYU mıssııasy QR Ortalyq saılaý komıssııasynyń, Astana, Almaty jáne Kókshetaý qalalarynyń aýmaqtyq ortalyq saılaý komıssııalarynyń qyzmetimen tanysyp, OSK basshylyǵymen, kandıdattardyń senimdi ókilderimen kezdesýler ótkizgen. 28 maýsym, daýys berý kúninde ShYU mıssııasynyń ókilderi Astana, Almaty jáne Kókshetaý qalalary saılaýshylarynyń otyrysyna qatysyp, elektrondy tirkeý, daýys berý, daýystardy sanaý, nátıjesin jarııa etý sharalaryna qatysqan.
«ShYU mıssııasy QR Ortalyq saılaý komıssııasynyń Senat depýtattaryn saılaý naýqany barysynda júrgizgen túsindirý jumystaryna óte joǵary baǵa beredi. Saılaý ýchaskelerindegi daýys berý barysy belgilengen tártippen jáne saıası partııalardyń, qoǵamdyq birlestikterdiń, sonymen birge halyqaralyq baıqaýshylar men BAQ ókilderiniń qatysýymen tynysh ótti. ShYU mıssııasynyń ókilderine eshqandaı shaǵym ne bolmasa eskertý kelip túsken joq. Senat depýtattaryn saılaý Qazaqstan zańnamasyna jáne halyqaralyq mindettemelerge saı júrgizildi», - dedi Van Kaıven.