ShYU Saýda-ekonomıkalyq baǵdarlamasyn iske asyrý josparyn jańartady - D.Mezentsev

BEIJІŃ. QazAqparat - Osy jylǵy jeltoqsannyń ortasynda Qytaıda Shanhaı yntymaqtastyq uıymyna múshe memleketterdiń úkimet basshylary keńesiniń otyrysy ótedi. Onda uıym aıasynda Saýda-ekonomıkalyq yntymaqtastyq baǵdarlamasyn iske asyrýdyń jańartylǵan josparyn daıyndaý týraly sheshim qabyldanady. Bul týraly ShYU bas hatshysy Dmıtrıı Mezentsev málimdedi.

«Qytaıda jeltoqsan ortasynda premer-mınıstrlerdiń (ShYU-ǵa múshe memleketterdiń úkimet basshylary keńesi) jyl saıynǵy kezdesýi ótedi, bul aǵymdaǵy jylda ShYU kúntizbe-jospary aıasynda oqıǵanyń máni boıynsha ekinshi. Dástúrli túrde kezdesý shaǵyn jáne keńeıtilgen quramda ótedi, oǵan Belarýs premeri alǵash ret qatysady», - dedi ol ShYU baspasóz-klýbynyń otyrysynda.

ShYU bas hatshysynyń aıtýynsha, alda ótetin qarjy mınıstrleri men ShYU-ǵa múshe memleketter ortalyq bankteri ókilderiniń kezdesýinde ınfraqurylymdyq jáne jobalaý qyzmetin qarjylaı súıemeldeýdi qamtamasyz etý boıynsha belgili bir usynymdar beriledi.

Ol sondaı-aq ShYU hatshysy ESKATO, Esirtki jáne qylmyskerlik basqarmasy (UNODC) jáne BUU basqa da qurylymdarymen yntymaqtastyqty damytý boıynsha belsendi jumys júrgizedi.

«Jyl sońyna deıin Bangkokta BUU ESKATO shtab-páterinde ózara is-qımyl týraly jańa memorandýmǵa qol qoıýdy josparlap otyrmyz. ShYU múshe memleketterdiń premer-mınıstrlerimen kezdesýde, onyń ishinde «6+6» formaty aıasynda mundaı kezdesýge buryn shaqyrylmaǵan BUU birqatar komıssııa ókilderi qatysady dep kútýdemiz»,- dedi D. Mezentsev.