ShYU ókili Qazaqstannyń bılik ókilderimen lańkestikpen kúres máselelerin talqylaıdy

ASTANA. QazAqparat - ShYU aımaqtyq terrorızmge qarsy qurylymy atqarýshy komıtetiniń dırektory Jýmahon Gıesov Astanaǵa saparmen keledi. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

"5-6 aqpanda ShYU aımaqtyq terrorızmge qarsy qurylymy atqarýshy komıtetiniń jańadan taǵaıyndalǵan dırektory Jýmahon Gıesovtiń Astanaǵa sapary ótedi. Sapar barysynda onyń elimizdiń birqatar memlekettik organynyń, onyń ishinde Syrtqy ister mınıstrliginiń basshylyǵymen kezdesýi josparlanǵan", - dedi A.Smadııarov.

Resmı ókil dereginshe, kezdesýler aıasynda taraptar terrorızm, ekstremızm, separatızmge qarsy turý, mańyzdy nysandardyń qaýipsizdigin qamtasyz etý jáne ShYU Aýǵanstan toby arqyly yntymaqtastyqty damytý máselelerin talqylaıdy.