ShYU-nyń shtab páterinde Úndistan men Pákistannyń týlary kóterildi

BEIJІŃ. QazAqparat - Búgin Shanhaı yntymaqtastyq uıymynyń shtab-páterinde uıymǵa jańadan múshe bolǵan eki jańa memleket - Úndistan Respýblıkasy men Pákistan Islam Respýblıkasynyń memlekettik týlaryn saltanatty túrde kóterý rásimi ótti, dep habarlaıdy «QazAqparat» HAA-nyń Qytaıdaǵy menshikti tilshisi.

Sharaǵa Qytaı Halyq Respýblıkasy Syrtqy ister mınıstriniń kómekshisi Kýn Sıýanıý, ShYU-nyń Bas hatshysy Rashıd Alımov, múshe memleketterdiń tótenshe jáne ókiletti elshileri, ShYU dıalogy boıynsha baqylaýshylar men áriptester, ShYU Hatshylyǵynyń laýazymdy tulǵalary, buqaralyq aqparat quraldarynyń ókilderi qatysty.

Saltanatty sharany ashqan ShYU-nyń Bas hatshysy «16 jyl buryn dál osy kúni álemniń saıası kartasynda Shanhaı yntymaqtastyq uıymy paıda boldy. Tatý kórshilik, birlesip damý Hartııada aıtylǵan memleketaralyq qatynastardyń qarapaıym ári ashyq qaǵıdattary jańa úlgidegi Uıymnyń irgeli negizi boldy jáne ShYU-ny halyqaralyq ómirdiń naqty faktoryna aınaldyrdy», - dedi R. Alımov.

Aıta keteıik, 9 sáýirde Astanada ótken ShYU-ǵa múshe memleketter basshylary keńesiniń keńeıtilgen otyrysynda Úndistan men Pákistan resmı túrde ShYU-ǵa múshe boldy.