ShYU-nyń shekara máseleleri boıynsha yntymaqtastyǵy artady - Parlament

ASTANA. QazAqparat - Búgin Parlament Senatynyń jalpy otyrysynda palata depýtattary «Shanhaı yntymaqtastyq uıymyna múshe memleketterdiń shekara máseleleri boıynsha yntymaqtastyǵy men ózara is-qımyly týraly kelisimdi ratıfıkatsııalaý týraly» QR Zańyn qabyldady.

Kelisimniń maqsaty - memlekettik shekaralardy qorǵaý, shekara mańyndaǵy aýmaqtarda qaýipsizdikti qamtamasyz etý salasyndaǵy yntymaqtastyqty nyǵaıtý. Bul rette Taraptardyń quzyretti organdarynyń múmkindikterin arttyrý, sonymen birge, Shanhaı yntymaqtastyq uıymyna múshe memleketteriniń shekaralarynda quqyqqa qaıshy áreketterdi anyqtaý, onyń aldyn alý jáne jolyn kesýdegi kúsh-jigerdi úılestirý kózdeledi.

Kelisim aıasynda quzyretti organdar aıqyndalady. Qolbasshylarynyń nemese olardyń orynbasarlarynyń otyrystary, kezdesýlerin ótkizý máseleleri belgilenedi. ShYU múshe memleketteri kelisilgen shekaralyq qyzmetterdi josparlaý, aqparat almasý, quzyretti organdardyń kadrlaryn kásiptik daıarlaý, olardyń biliktiligin arttyrý máselesinde yntymaqtastyqty arttyrady.