ShYU-nyń biregeı jastar hory dombyra týraly kompozıtsııa oryndady
ShYU-ǵa múshe memleketterdiń, baıqaýshy elder men ShYU-men dıalog jónindegi seriktesterdiń 18-35 jas aralyǵyndaǵy 5 mýzykantyn qosa alǵanda 56 oryndaýshydan jasaqtalǵan ujymy qazaq kompozıtory Seıdolla Báıterekovtiń «Kúı» horǵa arnalǵan kapella shyǵarmasyn oryndap, kontsert berdi. Uıymnyń jastar qorynyń qatarynda qazaqstandyq 4 ártis bar. Olar: Nur-Sultan qalasy ákimdiginiń memlekettik akademııalyq fılarmonııasy horynyń hormeısteri Erjan Sansyzbaev, Qazaq ulttyq óner ýnıversıtetiniń stýdenti Shyryn Ahmedjanova, Kókshetaý qalasyndaǵy Birjan sal atyndaǵy mýzykalyq kolledjdiń oqýshysy jáne Aqmola oblystyq fılarmonııasynyń solısi Aqtolqyn Imanǵalıeva, aǵaıyndy halyq ártisteri Abdýllınder atyndaǵy Shyǵys Qazaqstan oblystyq óner ýchılışesiniń, Sársen Amanjolov atyndaǵy Shyǵys Qazaqstan memlekettik ýnıversıtetiniń túlegi ıÝlııa ıÝrochkına.
«Qazaqstanda irikteý bolyp, biz ótinimdi ShYU hatshylyǵyna joldaǵan edik.Sol jerden bizdi iriktep aldy. Qytaıǵa osydan eki apta buryn keldik. Munda ShYU-ǵa qatysýshy qalǵan elderdiń ókilderi jınaldy. Olarmen bir apta boıy daıyndalyp, Hýh-Hoto qalasynda (Іshki Mońǵolııa avtonomdy aýdanynyń ákimshilik ortalyǵy) »Іshki Mońǵolııa-2019« hor mýzykasy festıvaline qatystyq. Sol jaqta jeke kontsert berip, taǵy da 4 kontsertke qatystyq. Daıyndyq barysynda biz ShYU-nyń ózge elderinen kelgen jastarǵa qazaq kompozııalary men mátinderin durys aıtýǵa kómektestik. Búgin biz Seıdolla Báıterekovtiń »Abaı-Elim« horyn oryndadyq», - dedi QazAqparattyń Qytaıdaǵy arnaýly tilshisi Sadyq Ákejanovqa suhbat bergen Erjan Sansyzbaev.
ShYU hory eki dırıjeriniń biri Marııa Gýndorınanyń aıtýynsha, ánshiler ujymyn qurý hor mýzykasy tarıhyndaǵy biregeı oqıǵaǵa aınalyp otyr. Sebebi osy ýaqytqa deıin atalǵan elderdiń barlyǵynyń ókilderi úlken hor retinde buryn-sońdy jınalǵan emes.
«Biz ártúrli elderdiń bilimi bólek, ilimi bólek adamdaryn jınap, bir horda án aıtýǵa, bir-biriniń tilin úırenýge múmkindik jasaı aldyq. Bul bir-birin túsinýge, birigýge múmkindik bertin eń qýatty qarý dep sanaımyz. Demek, biz ben sizder qazir ǵana biregeı oqıǵaǵa, álemdik tarıhtaǵy alǵashqy hor mýzykasyna kýá boldyq», - dedi ol.
