ShYU-nyń aqparattyq qaýipsizdik jónindegi ortalyǵyn tezirek qurý qajet – QR Prezıdenti

DÝShANBE. QazAqparat –Shanhaı yntymaqtastyq uıymynyń aqparattyq qaýipsizdik jónindegi ortalyǵyn tezirek qurý qajet. Bul týraly Dýshanbede ótip jatqan ShYU-ǵa múshe memleketter basshylary keńesinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Qazirgi zamanǵy kezeńde óńirlik qaýipsizdik problemasy barynsha ózekti bola túsýde. Bul salada oń nátıjelerge qol jetkizilgendige de qýantarlyq. Oǵan aıqyn dálel - búgin biz bekitetinen ShYU-ǵa múshe elderdiń 2022-2024 jyldarǵa arnalǵan terrorızmge, separatızmge jáne ekstremızmge qarsy is-qımyl yntymaqtastyǵy baǵdarlamasy. Sonymen qatar biz terrorızm men ekstremızmdy qarjylaı qamtamasyz etip otyrǵan esirtkiniń zańsyz aınalymymen jáne esirtkibıznesimen tıimdi kúresý úshin birlesken kúsh-jigerdi jalǵastyrýǵa daıynbyz», - dedi Qasym-Jomart Toqaev.

QR Prezıdenti ShYU qarym-qatynasyn rásimdeý Ortaazııalyq óńirlik aqparattyq úılestirý ortalyǵynyń bul baǵyttaǵy aqparat almasý men ózara is-qımyldy jaqsartatyndyǵyn basa aıtty.

«Sońǵy jyldary kıberqaýipsizdik máselesi de aldyńǵy qatarǵa shyǵyp otyr. ShYU-nyń aqparattyq qaýipsizdik jónindegi ortalyǵyn tezirek qurý mańyzdy qajettilikterge tolyqqandy jaýap berip, uıymnyń aqparattyq keńistiginiń qorǵalýyn nyǵaıtady. Ekonomıkalyq saladaǵy transulttyq qylmys ta ótkir problema sanalady. Menińshe, ShYU-ǵa múshe memlekettirk ekonomıkalyq tergeý organdary basshylarynyń keńesý formatyn iske qosý bizdiń ujymdyq kúsh-jigerimizdi jańa deńgeıge kóteredi», - dedi Memleket basshysy.