ShYU men ESKATO-nyń joǵary deńgeıdegi alǵashqy kezdesýi Bangkokta ótedi

SAMARQAND. QazAqparat - Shanhaı yntymaqtastyq uıymy (ShYU) jáne BUU Azııa-Tynyq muhıt óńiri boıynsha ekonomıkalyq-áleýmettik komıssııasy (ESKATO) 23 qarashada Bangkokta alǵash ret joǵary deńgeıli kezdesý ótkizedi. Bul jaıly Ózbekstanda ótken Ortalyq Azııadaǵy qaýipsizdik máseleleri jónindegi halyqaralyq konferentsııada ShYU Bas hatshysy Rashıd Alımov málimdedi, dep habarlaıdy «QazAqparat» HAA-nyń menshikti tilshisi.

«Bangkokta 23 qarashada alǵash ret ESKATO-men birlesken shara ótkizemiz. Ol mınıstrler jáne mınıstrler orynbasarlary deńgeıinde bolady. Biz oǵan bir jyldaı daıyndaldyq. Kezdesý ESKATO-nyń Taıland astanasynda jyl saıyn 57 memleket ókilderiniń qatysýymen ótetin arnaıy konferentsııasynyń baǵdarlamasyna engizilgen. Shara ShYU-nyń tranzıttik áleýetine arnalady», - dedi Rashıd Alımov.

ShYU Bas hatshysy aldaǵy shara uıymnyń jańa jetistigi ekendigin tilge tıek ete, júk aınalymyn jyldamdatýǵa septigi tıetin jańa kólik dálizderin ashý múmkindigin beretinin atap kórsetti. Onyń sózine qaraǵanda, ShYU elderiniń normatıvtik bazany jetildirip, shekara jáne keden organdary arasyndaǵy yntymaqtastyqty jaqsarta túskeni uıymǵa qatysýshylar úshin jańa dálizder ashýǵa jaǵdaı jasaıdy.