ShYU Memleket basshylary keńesiniń sammıti 2018 jylǵy maýsymda Tsındaoda ótedi

ASTANA. QazAqparat - Shanhaı yntymaqtastyq uıymynyń (ShYU) Memleket basshylary keńesiniń (MBK) sammıti 2018 jylǵy maýsymda Qytaı eliniń shyǵysyndaǵy Shandýn provıntsııasynyń Tsındao qalasynda ótedi, onda ekonomıka taqyrybynan lańkestikpen kúreske deıin kóptegen máseleler talqylanady. Bul jaıly TASS-qa bergen suhbatynda uıymnyń bas hatshysy Rashıd Alımov aıtty.

«MBK otyrysy ShYU-ǵa tóraǵalyq etýshi Qytaı tarapynyń shaqyrýymen maýsymnyń basynda ótedi. Oǵan segiz el: Úndistan, Qazaqstan, Qytaı, Qyrǵyzstan, Pákistan, Reseı, Tájikstan jáne Ózbekstan qatysady», - dedi ol.

Bas hatshynyń sózine qaraǵanda, sammıttiń kún tártibi aldaǵy aılarda egjeı-tegjeıli aıqyndalady. «Qaýipsizdik, ekonomıka jáne mádenı-gýmanıtarlyq yntymaqtastyq máseleleri sııaqty barlyq baǵyttar talqylanady», - dedi Alımov.

Bas hatshy ShYU-nyń osy jolǵy keshendi sharasy eýrazııalyq «segizdik» formatyndaǵy alǵashqy jıyn bolady.

«Mańyzdy oqıǵaǵa daıyndalýǵa Astanadaǵy sammıtten keıin birden kirisip kettik. 40-qa jýyq shara ótedi, sonyń ishinde alǵash ret uıymdastyrylyp jatqan áıelder forýmy men BAQ forýmy aıtýly oqıǵa bolǵaly tur», - dedi bas hatshy Rashıd Alımov.