ShYU Qytaıdyń Kýnmın qalasynda bolǵan lańkestikti aıyptady

BEIJІŃ. QazAqparat - Shanhaı yntymaqtastyq uıymyna múshe memleketter Kýnmın qalasynda bolǵan lańkestik aktisi jaıly habardy kúńirene qabyldap, ony senimdi túrde aıyptady. Mundaı málimdemeni ShYU-nyń bas hatshysy Dmıtrıı Mezentsev jasady.

«Beıbit azamattarǵa qarsy kez kelgen lańkestik pen kúsh kórsetý aqtala almaıdy. ShYU qaza bolǵan adamdardyń otbasylary men jaqyn týystaryna, zardap shekkenderge, Qytaı Halyq Respýblıkasynyń halqy men basshylyǵyna kóńil aıtty», - delingen qujatta.

«Atalǵan terrorlyq akt lańkestik pen ekstrmızmge qarsy kúreste halyqaralyq yntymaqtastyqty odan ary damytý qajettigin kórsetti», - dep jazylǵan málimdemede. Kýnmın temir jol vokzalyna qarýlanǵan toptyń basyp alýynan 29 adam qaza taýyp, 130-dan astamy jaraqattandy. Lańkestik áreketti Abdýherim Qurbanov bastaǵan segiz adamnan turatyn top jasaǵan.

Beıjiń beıbit turǵyndarǵa qarýlanǵan shabýyldy Qytaıdyń Shyńjańynyń separatısteriniń kúshimen jasalǵan «lańkestik áreket» dep atady. Sondaı-aq QHR SІM bolǵan jaǵdaıǵa Qytaıda tyıym salynǵan «Shyǵys Túrkistannyń Islam qozǵalysynan» kúdiktenetinin málimdedi.