«ShYU Kýbogy» fýtbol týrnırinde Qazaqstan birinshi oryn aldy

BEIJІŃ. QazAqparat - 20 mamyrda Beıjińde Qazaqstannyń Shanhaı Yntymaqtastyq Uıymyna tóraǵalyǵy aıasynda jyl saıynǵy fýtboldan «ShYU Kýbogy» joldastyq matchy ótkizildi, dep habarlaıdy Qytaıdaǵy QazAqparat tilshisi.

Jarysqa 9 komanda qatysty: ShYU Hatshylyǵy, QHR SІM jáne Qazaqstan Elshiligi (2 komanda), Qyrǵyzstan, Tájikstan, Túrikmenstan, Reseı, Belarýs.

Tartysty oıynda birinshi oryndy QHR-daǵy  Qazaqstan Elshiliginiń qurama komandasy ıelendi. Komanda fınalda Qytaıdaǵy Belarýs Elshiliginiń komandasyn penaltımen utty. Sheshýshi goldy qazaqstandyq dıplomat, attashe Ádil Baqytjanuly soqty. Úshinshi oryn Túrikmenstan Elshiliginiń quramasyna buıyrdy.

«Oıynnyń eń basty nátıjesi - ShYU elderi arasyndaǵy dostyqty nyǵaıtý», - dedi QHR-daǵy QR Elshiliginiń qyzmetkeri Azamat Teltaı.

«Úzdik kapıtan» nomınatsııasynyń gramotasy QR Elshiligi komandasynyń kapıtany Nurlan ıAhııarovqa berildi. «Úzdik oıynshy», «Úzdik shabýylshy», «Úzdik gol soǵýshy», «Úzdik qorǵaýshy» sekildi atalymdar boıynsha jekelegen gramotalar tabys etildi.

Jarysqa qatysýshylar osyndaı matchtar aldaǵy ýaqytta ShYU elderi komandalary arasynda udaıy ótkizilip turýyna úmit bildirdi.